حليت اللعبة

يقول بلقاسم بو قنا في أحد روائعه : عند 7 سنين تعدو خلوقي فدو . الله غالب يا بلقاسم عندي عام و-5 شهور و-20 يوم وخلوقي خرجوا من خشمي ويلوجو على    فيزا  لبرا  .

عام و-5 شهور و-20 يوم على ما يسمى حركيا بالثورة . ثورة الهانة ورقاد الجبانة : ثورة اللي ما عندو ثورة .

يا علماني يا بهيم يا إسلامي يا مصطك أنا، آني ، نايا ، نا بش ننطق .

باش ننطق على خاطر الشعب يريد، أنا أريد وأنت تريد وهم يفعلون ما يريدون .

عربيتي مبتذلة وفي أحيان كثيرة لا اضع النقاط على الحروف لكن لا يهم ما دامني نوصل ونعرف نضرب لغة كما برشة م الشعب.

ضرباًن اللغة هنا ميستحقش لا مترا ك ولا غاز . يستحق برشة سكات قبل الحديث وبرشة حلان عينين ورداًن   بال.

الكلام تو يستحق دخول بقوة ويا فيها استبعاد يا فيها تقلع طرحك.

على بركة الله بش نحل سبالة كلامي . ألي يحب يتعلم، ألي يحب يسب وألي يحب يفلم وأنا حاضر بقوة القرطاس والقلم .